Адлегласць 1,5 метра з'яўляецца мінімальна неабходнай для забеспячэння бяспекі.
Пры парушэнні дыстанцыі сумесь паветра і часціц ад інфікаванага чалавека можа патрапіць на ваш твар, вочы, скуру, вопратку. З забруджанымі паверхнямі вы можаце прынесці вірус дадому.
Выконваць дыстанцыю неабходна ўсюды: у крамах, аптэках, у медыцынскіх арганізацыях, на вуліцы.
Як змяняецца памер неабходнай дыстанцыі падчас хадзьбы, бегу, заняткаў спортам?
Адлегласць, на якую распаўсюджваецца аэразоль ад чалавека, залежыць ад памеру часціц, якiя ўтвараюцца, хуткасці паветранага патоку, становішча чалавека ў прасторы, ветру.
Напрыклад, падчас бегу патрабуецца захаванне большай дыстанцыі, чым падчас хадзьбы: гэта абумоўлена больш актыўным дыханнем і хуткім перамяшчэннем у прасторы.
Ці можна заразіцца каранавiрусам, калі мяне зачапіў іншы чалавек у краме? Калі я чапаў паверхню, да якой дакранаўся хворы? Калі сядзеў на яго месцы?
Так, магчыма, калі не будзеце выконваць патрабаванні прафілактыкі.
Важна не дакранацца бруднымі рукамі да твару, старанна мыць рукі, захоўваць асобна вопратку, у якой вы выходзілі з хаты.
Ці можна не выконваць дыстанцыю, калі людзі ў масках?
Захаванне дыстанцыі неабходна, нават калі людзі носяць маскі.
Вірус знаходзіцца на скуры інфікаванага чалавека, яго вопратцы, адкуль трапляе на кантактныя паверхні і ў паветра.
