Дэлегацыі з усіх рэгіёнаў краіны прыбылі 11 лютага на форум у Палац Рэспублікі ў Мінску. Пры гэтым Мінская вобласць прадстаўлена 310 дэлегатамі, а ўсяго ва Усебеларускім народным сходзе прыме ўдзел 2,7 тыс. чалавек. Сярод іх прадстаўнікі ўсіх слаёў беларускага грамадства і замежныя госці з Расіі, Украіны, Італіі і іншых краін.

Так, сярод беларускіх дэлегатаў парламентарыі складаюць 6,8%, прадстаўнікі прамысловасці, будаўніцтва, транспарту - 30%, органаў дзяржкіравання - 14,8%, АПК - 8,2%. Сацыяльна-культурную сферу, сферу паслуг і СМІ на УНС прадставяць 25,9% ад агульнай колькасці ўдзельнікаў, сілавы блок - 4,1%, прыватны бізнэс - 2,7%. Ад пенсіянераў дэлегаваны 5,9%, ад навучэнцаў і студэнцтва - 1,5%.

Крыху больш за трэць дэлегатаў - прадстаўніцы прыгожага полу. Маладыя людзі да 30 гадоў складаюць 6,3%, ва ўзросце 31-40 гадоў - 17,3% дэлегатаў, 41-50 гадоў - 35,9%, 51-60 гадоў - 29,7%, старэйшых за 60 гадоў - 10, 8%. Большасць удзельнікаў - члены РГА "Белая Русь".

Першы дзень працы Усебеларускага народнага сходу ВНС па традыцыі пачнецца з дакладу Прэзідэнта Беларусі. Далей удзельнікі форуму абмяркуюць вынікі рэалізацыі праграмы сацыяльна-эканамічнага развіцця Беларусі на 2016-2020 гады і намецяць план праекта праграмы сацыяльна-эканамічнага развіцця краіны на будучую пяцігодку. Плануецца, што ў дэлегатаў будзе таксама доступ да «свабоднага» мікрафону.

Асноўная мэта на 2021-2025 гады - забеспячэнне сацыяльнай стабільнасці ў грамадстве і павелічэнне дабрабыту грамадзян дзякуючы якаснаму росту эканомікі, нарошчванню сацыяльнага капіталу, стварэнні камфортных умоў для жыцця, працы і самарэалізацыі. Пастаўленыя галоўныя задачы - скараціць залежнасць эканамічнага росту ад вуглевадароднай сыравіны, павялічыць экспартны патэнцыял за кошт высокатэхналагічных тавараў, запусціць новы інвестыцыйны цыкл.

У рамках мерапрыемства раніцай адбылося ўскладанне кветак да сталічнага манумента Перамогі ад імя ўдзельнікаў ВНС.