Дзяржаўтаінспэктары вырашылі нагадаць пра бяспеку і павіншаваць вадзіцеляў і пешаходаў. Акцыя «Бяспечныя канікулы» будзе доўжыцца да 12 студзеня.
Зараз патрульныя пільна сочаць за тым, як дарослыя перавозяць непаўналетніх. Калі машына не абсталяваная аўтакрэслам, бустэрам або спецыяльнай падушкай — парушальнікаў чакае штраф да 4 базавых велічынь. Задумацца пра гэта варта асабліва тым, хто збіраецца актыўна выкарыстоўваць транспарт падчас зімовых святаў.
Нярэдка ў здарэннях вінаватыя і самі дзеці, калі перабягаюць дарогу ў неналежным месцы, ігнаруюць забараняльны сігнал святлафора або выскокваюць з-за перашкод. Адно з самых частых парушэнняў пешаходаў пры пераходзе праз праезную частку - гутарка па мабільным тэлефоне.
- За мінулы год удалося скараціць колькасць ДТЗ з удзелам дзяцей. Калі ў 2018 у Смалявіцкім раёне было 4 аварыі і 5 параненых, у тым ліку трое маленькіх пасажыраў, то ў 2019-м - адно здарэнне з пацярпелымі, - распавяла інспектар дарожна-патрульнай службы Смалявіцкага РАУС Ірына Стральцова. - Вядома, калі спыняеш кіроўцу, а потым віншуеш, у людзей падымаецца настрой. І шанцы, што яны будуць асцярожней, павышаюцца. Ды і невялікія прэзенты спрацуюць.
Флікеры, размалёўкі, пернікі - па ўзмаху жазла. Падарункі асабліва прыйшліся тым, хто не парушаў Правілы дарожнага руху ўвесь год. Зусім не лішнім саветам ад супрацоўнікаў ДАІ стала паведамленне аб штармавым папярэджанні - да вечара на дарогах утворыцца галалёд.
