Напярэдадні чарговай гадавіны вываду савецкіх войскаў з Афганістану Зяленаборскі дом культуры Смалявіцкага раёна 16 лютага 2020 года сумесна з сельскай бібліятэкай запрасілі старшакласнікаў мясцовай школы на тэматычную праграму “Афганістан: трагедыя і доблесць”. Акрамя расповеда аб падзеях гэтага дзевяцігадовага ўзброенага канфлікту падлеткі даведаліся аб літаратурных творах Святланы Алексіевіч, Мікалая Чаргінца і іншых пісьменнікаў, якія пісалі на гэтую тэму. Прагучалі песні з рэпертуару ансамбля “Каскад” у выкананні Валерыя Гусева. Эпілогам сустрэчы стаў прагляд дакументальнай стужкі “Вайна пад сонцам”.