Урад пашырыў пералік тавараў і паслуг, цэны на якія рэгулюе Міністэрства антыманапольнага рэгулявання і гандлю. Гэта прадугледжана пастановай Савета Міністраў ад 16 снежня 2020 года нумар 732, якая афіцыйна апублікавана сёння на Нацыянальным прававым інтэрнэт-партале, паведамляе БЕЛТА.
У пералік уключаны сродкі аховы органаў дыхання, прызначаныя для індывідуальнага прымянення (маскі, паўмаскі, павязкі), дэзынфіцыруючыя (антыбактэрыяльныя, абеззаражвальныя) сродкі (у тым ліку гелі, спрэі), пальчаткі ахоўныя аднаразовыя, прызначаныя для індывідуальнага прымянення.
Акрамя таго, у спіс увайшлі паслугі па перадачы і размеркаванні цеплавой энергіі.
Адначасова СІА і дэзынфіцыруючыя сродкі выключаны з пераліку сацыяльна значных тавараў, цэны на якія рэгулюе МАРГ не больш за 90 дзён на працягу аднаго года.
Пастанова ўступае ў сілу пасля афіцыйнага апублікавання.
