Беларусь і Кітай устанавілі стратэгічнае партнёрства дзякуючы дружбе лідараў дзвюх краін і шчырасці, заявіў журналістам першы намеснік прэм'ер-міністра Беларусі Мікалай Снапкоў, перадае карэспандэнт БЕЛТА.
"Часта журналісты збіваюцца ў адносінах паміж краінамі на лічбы, але важныя ўсё ж такі тэндэнцыі. Мінулы год характарызуецца добрай прымаўкай: "Сябар пазнаецца ў бядзе". Сапраўды, у бядзе пазнаўся сябар", - адзначыў Мікалай Снапкоў.
"Ёсць дзве базавыя асновы, з-за чаго такі высокі ўзровень стратэгічнага партнёрства Беларусі і Кітая. Першае - дружба Прэзідэнта Аляксандра Лукашэнкі і Старшыні КНР Сі Цзіньпіна. Гэта цэментуючая аснова дружбы (Беларусі і Кітая. - Заўвага БЕЛТА). Другая - уменне беларусаў шчыра сябраваць. І нашы кітайскія сябры адчуваюць, калі да іх ставішся шчыра, калі твая дружба ідзе сапраўды ад сэрца, а калі - не. Беларусы ўмеюць сябраваць, апошнюю кашулю аддадуць, калі сябар трапіў у бяду", - сказаў першы віцэ-прэм'ер.
Ён звярнуў увагу, што дружалюбныя адносіны былі прадэманстраваны і ў мінулым годзе ва ўмовах COVID-19 - першы самалёт з гуманітарнай дапамогай у Кітай быў адпраўлены Беларуссю.
"Яшчэ адзін момант - палітычныя падзеі, спроба каляровай рэвалюцыі ў Беларусі і пазіцыя Кітая, якая яшчэ раз пацвердзілася ў час тэлефоннай размовы паміж Прэзідэнтам Беларусі і Сі Цзіньпінам, што кітайскі народ і кіраўніцтва падтрымліваюць уладу і жадаюць забяспечыць выбар будучыні Беларусі выключна на аснове рашэнняў беларускага народа", - адзначыў Мікалай Снапкоў.
Што датычыцца перспектыў эканамічнага супрацоўніцтва, то першы віцэ-прэм'ер бачыць вялікі патэнцыял для беларуска-кітайскага ўзаемадзеяння. "Кітайская эканоміка будзе расці, і, вядома, мы будзем расці разам у нашых экспартных пазіцыях", - чакае ён.